Şam – SANA
Rêveberê Parastina Xerîdar û Selametîya Xwarinê, Hesen El-Şewa, tekez kir ku rênima ji hemû dikan û çalakîyên li parêzgehan re hatine şandin ku divê bihayê her tiştî bi awayekî zelal bi her du pereyên kevn û nû bê nivîsandin. Her wiha eşkere kir ku tu guhertin di biha yan jî hêza kirînê de nîne, tenê du sifir ji pereyan têne avêtin.
El-Şewa da zanîn ku bazar neçar in her du bihayên wek hev li ber çavan deynin û tîmên çavdêrîyê jî hatine erkdarkirin da ku bazaran kontrol bikin û ji pabendîya wan bi rênimayan piştrast bibin.
Her wiha dîyar kir ku Banka Navendî ya Sûrîyê rênimayên cîbicîkirinê yên mersûma (293) ya sala 2025an derxistine; ku guhertina pereyan di 1/1/2026an de dest pê dike. Li gorî vê biryarê, her 100 lîreyên kevn li hember lîreyeke nû ne. Ev pêvajo wê 90 rojan berdewam bike û dibe ku dem bê dirêjkirin jî, hevdem ligel belavkirina fermî ya pereyên nû li Şamê.
