Şam-SANA
Di çarçoveya Festîvala Org û Muzîkê de li Sûrîyê 2025, û ji bo pîrozkirina salvegera 25emîn a avakirina Orga Operaya Şamê, Koma Şeş-cazî ya bi serokatîya Exîd Mensûr, li Operayê şevbuhêreke balkêş pêşkêş kir, orga klasîk û gîyanê rojhilatî bi caza cîhanî re têkelî hev kirin.
Beşdarbûna neyjen Hadî Xeyat xweşîyeke taybet da șevbuhêrkê, ji ber ku wî amûra mûzîkê ya rojhilatî bi perçe-muzîkên cazê yên klasîk ên wekî “So What” û “Round Midnight” re hemahengî hev kirin.
Di bernameyê de berhemên navdar ên wekî “Chameleon”, “Footprints,” û “Take Five”, her weha dabeşîyeke nû ya muzîka orgê ya “The Chicken” hebûn.
Çavdêrê muzîkê Delama Şehab, dîyar kir ku armanc ji vê şevê ew bû ku caz bi gîyanekî Erebî were pêşkêşkirin, û li şûna floytê, ney were bikaranîn, da peyamek were şandin ku Şam çandên cuda digihîne hev.
