Şam-SANA
Danezana Banka Navendî ya Sûrîyê li ser derxistina diravekî nû û jêbirina du sifiran ji nirxa wê ya navî, piştrast dike ku reforma diravî ne gaveke îzolekirî yan rêkareke awarte ye, lê belê beşek ji bizaveke aborî ya hevgirtî ye.
Vê bizava ku li welatên wekî Almanya, Fransa û Tirkîyê serkeftin dît, di rewşa Sûrîyê de bi veguherînên sîyasî, aborî û sazûmanî re ji dema rizgarkirinê ve tê meşandin.
Rêveberê Banka Navendî Ebdulqadir El-Hesrîye dîyar kir ku derxistina diravê nû di çarçoveya bernameyeke reforma berfireh de tê, ku armanca wê kontrolkirina herikbarîya diravî û xurtkirina çavdêrîya li ser diravên di nav bazarê de ne, da ku bibe alîkar ji bo aramîya pêşandaya diravî.
Girîngîya ezmûna Sûrîyê di wê yekê de ye ku jêbirina sifiran wekî beşek ji veguherîneke sîyasî û aborî ya kûr tê pêşnîyarkirin, û diravê nû wekî destpêka bizaveke reforma dirêj tê pêşkêşkirin ku pêdivîya temamkirina wê bi reformên berfirehtir heye.
