Karakas-SANA
Bi fermana Serok Ehmed El-Şeri’ û bi piştgirîya Wezareta Karên Derve û Koçberan, tîma rizgarkirinê ya Sûrî ya navdewletî ya ser bi Wezareta Rewşên Awarte û Birêvebirina Karesatan ve, duh êvarî roja Yekşemê, gihîşt Karakasa paytexta Venezuelayê, da ku beşdarîyê di karên lêgerîn, rizgarkirin û bersivdana mirovî de ji bo zîyandîtîyên her du erdhejên ku li Venezuelayê xistibûn, bike.
Li Balafirgeha Navdewletî ya Karakasê, Cîgira Wezîrê Derve yê Venezuelayê ya Karûbarên Asya, Rojhilata Navîn û Okyanûsyayê Andrea Kurao, ya ku spas û pêzanînên kûr ên welatê xwe ji bo Sûrîyê ji bo piştgirî û rawestana wê ya tam li kêleka Venezuelayê di vê karesata mirovî de, anîn ziman, pêşwazî li wan kir. Her wiha balyozên Sûrîye û Qeterê yên li Venezuelayê jî beşdarî pêşwazîkirinê bûn.
