Şam-SANA
Wezîrê Derve û Koçberan Es’ed Hesen El-Şeybanî tekez kir ku rêkeftina 10ê Adarê ligel QSDê îradeya Sûrîyê di yekkirina axa Sûrîyê de tîne ziman.
Wezîrê Derve û Koçberan Es’ed Hesen El-Şeybanî di konferanseke rojnamevanî de ligel hevtayê xwe yê Tirk Hakan Fîdan li Koşka Gel li Şamê got:
- Serok Ehmed El-Şeri’ ligel şanda Tirk mijarên girîng gotûbêj kirin, di serî de hevkarîya aborî û bazirganî, bi taybetî piştî rakirina cezayên Amerîkî ji ser Sûrîyê, her wiha bihêzkirina hevkarîya istixbaratî û leşkerî û vegera penaberan.
- Me behsa têkoşîna li dijî terorê û şerê li dijî rêxistina DAIŞê û rêgirtina li ber derketina wê li Sûrîyê car din kir, her wiha danîna nêrîneke hevbeş derbarê bakurê rojhilatê Sûrîyê de.
- Têkilîyên di navbera Sûrîye û Tirkîyê de stratejîk in û roj bi roj di hemû sektoran de bi pêş dikevin.
- Herêma Cizîrê parçeyekî bingehîn e yê Sûrîyê û dewlet giringîyeke berbiçav didiyê, her derengxistinek di tevlîbûna QSDê de bandoreke neyînî li vê herêmê dike û tevgera avedankirinê tê de asteng dike.
Wezîrê Derve yê Tirkîyê di konferansê de got:
- Me hevdîtinên berhemdar pêk anîn û li ser esasê hevkarîya xwe ya stratejîk mijarên girîng gotûbêj kirin.
- Tirkîye giringîyeke mezin dide aramîya Sûrîyê û em amade ne ku hemû cûreyên piştgirîyê ji bo pêkanîna vê yekê pêşkêş bikin.
- Me êrîşên Îsraîlê yên li ser axa Sûrîyê gotûbêj kirin û em tekez dikin ku divê Îsraîl dev ji sîyasetên xwe yên berfirehxwazîyê berde ji bo pêkanîna aramîyê li Sûrîye û herêmê.
- Me şerê li dijî rêxistina DAIŞê û tiştê ku em dikarin bi hev re bikin ji bo rûbirûbûna wê gotûbêj kir.
- Pêwîst e ku rêkeftina 10ê Adarê ya di navbera hikûmeta Sûrîyê û QSDê de were cîbicîkirin û em tekez dikin ku tevlîbûna wê di nav hikûmetê de dê di berjewendîya hemûyan de be.
- Aramîya Sûrîyê tê wateya aramîya Tirkîyê, û danûstandinan dosyaya QSDê nîqaş kir, û nêrîn ew e ku nîyeta wan tune ye ku rêkeftina 10ê Adarê cî bi cî bikin.
- Rakirina Yasaya Qeyserê ji ser Sûrîyê ji bo aramîya herêmê girîng e.
