Pekîn-SANA
Wezîrê Karên Derve û Penaberan Es`ed Hesen El-Şeybanî di serdana xwe ya Çînê de, bi Endamê Polîtburoya Komîteya Navendî ya Partîya Komunîst a Çînê, Wezîrê Karên Derve Wang Yi re civîya, û her du alîyan danûstandinên dualî yên avaker pêk anîn.
Di daxuyanîyeke hevbeş a di navbera Komara Erebî ya Sûrîyê û Komara Gel a Çînê de, her du alîyan girîngîya têkilîyên dîrokî yên dostanîyê yên ku her du dewlet û gelan girêdidin, û balpêdana xebata hevbeş ji bo parastin û pêşxistina wan ji bo xizmeta berjewendîyên her du welatên dost, tekez kir.
Her du alîyan guhdana xwe bi lêkolîna hevkarîyê di warên aborî û pêşkeftinê, jinûveavakirina Sûrîyê, avakirina karînan, başkirina şert û mercên jîyanê yên gelê Sûrîyê, û warên din ên girîngîya hevpar de anîn ziman.
Her du alîyan li ser şerê terorê bi her awayî tekez kirin, û li ser xurtkirina hevrêzî û hevkarîyê di warên şerê teror û ewlehîyê de li hev kirin, her wiha her du alîyan girîngîya Forûma Hevkarîya Çînî-Erebî di pêşxistina hevkarîya Çînî-Erebî de pejirandin.
Wezîr El-Şeybanî careke din pabendbûna xwe ya bi prensîba Çîna Yekgirtî re tekez kir, û pejirand ku Hikûmeta Komara Gel a Çînê tenê hikûmeta rewa ye ku nûnertîya tevahîya Çînê bike û Taywan parçeyekî wê yê bingehîn e, û piştgirîya xwe ji Çînê re di parastina serwerîya neteweyî, yekîtî û yekparçebûna axa wê de, û dijberîya xwe ya tund ji bo destwerdana her hêzeke di karên navxweyî yên Çînê de, û piştgirîya xwe ji bo hemî hewldanên Hikûmeta Çînê yên ji bo bidestxistina yekbûna welêt, piştrast kir.
Her wiha Wezîr El-Şeybanî guhdana xwe bi fikarên ewlehîyê yên alîyê Çînî tekez kir, û soz da ku Sûrîye nabe çavkanîya gefê ji bo Çînê, û nahêle ti sazî axa wê ji bo kiryarên ku zirarê didin ewlehî, serwerî û berjewendîyên Çînê bi kar bînin.
Wezîr El-Şeybanî spasîya Çînê kir ji bo hemî alîkarîyên ku ji gelê Sûrîyê re pêşkêş kiriye, û amadebûna xwe ji bo xurtkirina hevkarîyê bi wê re di hemî waran de nîşan da.
Di encamê de, alîyê Çînî rêzgirtina xwe ya tam ji bo serwerî, serxwebûn, yekparçebûna ax û yekîtîya neteweyî ya Komara Erebî ya Sûrîyê tekez kir, û da zanîn ku Hikûmeta Sûrîyê nûnera rewa ya tenê ya gelê Sûrîyê ye.
Alîyê Çînî pesnê hewldanên Sûrîyê yên domdar ji bo bidawîkirina bela narkotîkan û xurtkirina serwerîya qanûnê û şerê terorê û parastina mafên hemî Sûrîyan bêyî ti cudakirin da, û piştgirîya xwe ji bo rêwîtîya pêşkeftinê ya Sûrîyê ku li gorî mercên wê yên neteweyî ye, anî ziman.
Di dawîya civînê de, her du alîyan biryardarîya xwe ya ji bo berdewamîya dîyaloga avaker û xebata hevbeş ji bo şopandina tiştên ku hatin gotûbêjkirin û wergerandina wan bo tevger û însîyatîfên hevbeş ku di pêşxistina pêşketin û bextewarîya gelên her du welatan de bi ruhê hevkarîyê re alîkar bin, nû kir.
