Şam – SANA
Di salvegera destpêkirina Operasyona Pêşîlêgirtina Êrîşkarîyê de Serokê Komarê Ehmed El-Şeri’ peyameke pîrozbahîyê arasteyî gelê Sûrîyê kir.
Serok El-Şeri’ got: “Gelê Sûrîyê yê mezin, ez îro salvegera destpêkirina şerê rizgarkirina tevahîya Sûrîyeyê li we pîroz dikim; Operasyona Pêşîlêgirtina Êrîşkarîyê ya ku ji bo hilweşandina rejîma tawankar bi hemû stûnên wê xebitî û Sûrîye ji bin nîrê rejîma tawankar a berê rizgar bû.”
Serok El-Şeri’ gotina xwe wiha domand: “Bi vê helkefta mezin, ez bang li hemû pêkhateyên gelê Sûrîyê bi hemû beş û çînên wî dikim ku dakevin qad û meydanan da ku kêfxweşîya xwe bi vî şerê mezin bînin ziman û hevgirtina niştimanî, yekîtîya niştimanî û yekparçeyîya axa Sûrîyeyê û yekîtîya xaka wê nîşan bidin.”
Serok El-Şeri’ gotina xwe wiha bi dawî kir: “Bijî Sûrîya azad û serbilind, ji bakurê wê heta başûrê wê û ji rojhilatê wê heta rojavayê wê, bi anehîya Xwedê yekgirtî, bihêz, mezin û avedan be.”
