Şam-SANA
Wezîrê Navxwe Enes Xetab piştrast kir ku Sûrîye îro piştî xebateke cidî ya ji bo jinûveavakirina sazîyên dewletê û bihêzkirina rola wan di parastina ewlehîya welat û civaka xwe de, ligel rakirina navê wê ji lîsteya dewletên piştevanên terorê, di rêça vegerandina pêgeha xwe de qonaxeke nû tomar dike.
Wezîr di parvekirinekê de li ser platforma “X”ê got: “Dema çûyî, bi rêya hewldanên xwe, roleke çalak a Wezareta Navxwe û Dezgeha Îstixbarata Giştî hebû; têkoşîna li dijî terorê, şopandina rêxistinên terorîst, çespandina serwerîya qanûnê û avakirina sazîyên ewlehîyê yên ku ewlehî û rûmeta welatîyan dixin pêşgavîyên karên xwe.”
Navborî dupat kir ku Sûrîye bi gavên xurt ber bi siberojeke nû ve dimeşe; ji dewleteke ku sazîyên wê ji bo piştevanîya terorê dihatin bikaranîn, ber bi dewleteke ku şerê wê dike, tawanbaran dişopîne û ji bo ketwareke aramtir û ewletir bi civaka navdewletî re di nav hevkarîyê de kar dike.
Wezîrê Navxwe ji ber ked û hewldanên wê yên mezin ên li seranserî dema borî û beşdarîya wê ya çalak di vegera Sûrîyê de bo cihê wê yê siruştî di navbera dewletan de, spasîya Wezareta Derve kir, her wiha spasîya hemû hevkarên herêmî û navdewletî kir ji bo rawestana wan a li kêleka Sûrîyê.
