Rîyad-SANA
Erebistana Siûdî, îro Sêşemê, pêşwazî li daxuyanîya Amerîkayê kir; daxuyanî derbarê derxistina navê Sûrîyê ji lîsteya dewletên piştgirên terorê de ye. Her wiha piştgirîya xwe bo gavên ku hikûmeta Sûrîyê diavêje nû kir, bi awayekî ku ewlehî û aramîya wê xurt bike û daxwazên gelê Sûrîyê bi cih bîne.
Wezareta Derve ya Erebistanê Siûdî, di daxuyanîyekê de li ser platforma Xê, pîrozbahîyên germ bo vê gavê pêşkêşî hikûmet û gelê Sûrîyê kirin, û hêvîya berdewamîya ewlehî, aramî û geşepêdanê û temamkirina pêvajoya avakirin û pêşveçûnê, bi rengekî ku daxwazên gelê wê bi cih bîne, bo wê xwest.
Wezaretê careke din tekezî li ser piştgirîya Erebistana Siûdî bo gavên erênî yên ku hikûmeta Sûrîyê diavêje kir; gavên ku beşdarîyê di avakirina sazîyên dewletê de dikin, û daxwazên gelê Sûrîyê di avakirina paşerojeke baştir û seqamgîrtir de pêk tînin.
Sûrîyê jî pêşwazî li biryara Amerîkîkayê kir û tekez kir ku ev biryar dê alîkar be ji bo piştgirîya hewldanên başbûna aborî, amadekirina mercên guncav bo jinûveavakirinê, û xurtkirina aramî û ewlehîyê li Sûrîyê û herêmê.
