Şam-SANA
Nûnerê Taybet ê Serokatîya Amerîkayê ji bo Sûrîye û Iraqê Thomas Barack tekez kir ku êrîşên esmanî yên Îsraîlê yên ku Balafirgeha Leşkerî ya Ebû El-Zuhûrê li Idlibê kirin armanc, rageşîyeke bê bingeh e û xizmeta aramî û hêminîya navçeyê nake.
Barack îro Sêşemê di peyamekê de li ser platforma “X”ê got: “Em ji ber êrîşên esmanî yên piştrastkirî yên Îsraîlê li ser Navenda Esmanî ya Ebû El-Zuhûrê gelekî nîgeran in. Ev êrîş wekî rageşîyeke bêhincet tên dîtin û piştgirîyê nadin aramîya herêmê.”
Barack bal kişand ser wê yekê ku hikûmeta Sûrîyê tu helwesteke dijminane nîşan nedaye, berevajî vê yekê, wê gelek caran daxwaza xwe ya ji bo kêmkirina rageşîyê nîşan daye.
Navborî dîyar kir ku Dewletên Yekbûyî yên Amerîkayê di raborîyê de mêvandarî kiriye û dê di paşerojê de jî ji bo handana dîyaloga dîplomatîk mêvandarîya gotûbêjan bike, li şûna serîlêdana tundûtûjîya leşkerî ya ku dibe sedema bêhêvîtîyê ji bo her du alîyan.
