Waşington-SANA
Nûnerê Taybet ê Amerîka ji bo Sûrîyê Tom Barack, careke din hewldanên welatê xwe ji bo aramkirina rewşê û destpêkirina danûstandinên di navbera hikûmeta Sûrîyê û rêxistina HSDê de ji bo bicîhanîna Peymana 10ê Adarê dûpat kir.
Barack di parvekirinekê de li ser hesabê xwe yê platforma Xê îro Înê got: “Dewletên Yekbûyî yên Amerîkayê hîn jî bi hemû alîyên li Sûrîyê re di pêwendîyeke nêzîk de ye, û bi şev û roj dixebite ji bo aramkirina rewşê, rêgirtina li ber gurkirina şer û vegera li danûstandinên entegrasyonê yên di navbera hikûmeta Sûrîyê û HSDê de.”
Barack di 9ê vê mehê de tekezî li ser pêwîstîya bicîhanîna Peymana 10ê Adarê ya di navbera hikûmeta Sûrîyê û rêxistina HSDê de kiribû, û her wiha kêfxweşîya Dewletên Yekbûyî yên Amerîkayê derbarê peymana agirbestê ya li taxên Şêx Meqsûd û Eşrefîyê yên Helebê anîbû ser zimên.
