Moskow-SANA
Serok Ehmed El-Şeri’ di hevdîtina xwe ya ligel Serokê Rûsyayê Vladîmîr Pûtîn de, tekez kir ku Sûrîyeya nû pêwendîyan ligel hemû welatên herêmî û cîhanî ji nû ve girêdide û destnîşan kir ku pêwendîyên dualî û berjewendîyên hevbeş Sûrîyê bi Rûsyayê ve girêdidin û rêzê li hemû peymanên ligel wê digirin.
Serok El-Şeri’ her wiha got: “Pêwendîyên me yên nêzîk ligel Rûsyayê hene û beşeke mezin a sektora enerjîyê li Sûrîyê xwe dispêre pisporîya Rûsyayê.”
Serokê Rûsyayê, Vladîmîr Pûtîn, ji hêla xwe ve da zanîn ku pêwendîyên Rûsya û Sûrîyê pêwendîyên dostane ne û tu girêdana Rûsyayê bi rewşa sîyasî yan jî berjewendîyên teng ve nebû û ew girêdayî berjewendîyên dualî û berjewendîya gelê Sûrîyê ne.
Pûtîn got: “Ez bixêrhatina Serok Ehmed El-Şeri’ dikim û zêdetirî 80 salî ye ku pêwendîyên me yên xurt ligel Sûrîyeyê hene.”
Serokê Rûsyayê di beşeke din a axaftina xwe ya ligel Serok El-Şeri’ de got: “Em pêwendîyên xwe yên nêzîk ligel gelê Sûrîyê diparêzin û hewl didin ku pêwendîyan ligel Şamê bi pêş bixin û komîteya hevbeş a hikûmetê di navbera Rûsya û Sûrîyê de dê ji nû ve dest bi karê xwe bike.”
TAGGED: Ehmed El-Şeri’, Serokê Rûsyayê, Serokê Sûrîyê, Rûsya, Sûrîye, Vladîmîr Pûtîn
