London-SANA
Lêkolîneke zanistî ya nû, nîşan da ku parastina demên birêkûpêk ên xew û şiyarbûnê yên sinêleyan, dibe ku bi tenduristîyeke wan a derûnî ya baştir ve girêdayî be, bi taybetî ligel dûrketina ji cudahîyên mezin di navbera demên xewê di rojên dibistanê û bêhnvedanên dawîya hefteyê de.
Malpera “LBC”yê ya Brîtanî di raporekê de ku duh Duşemê weşand, dîyar kir ku lêkolînerên ji Zanîngeha Southamptonê lêkolîn li ser pêwendîya di navbera birêkûpêkîya xewê û astên fikarê de li cem sinêleyên ku temenê wan di navbera 12 û 18 salî de ye kirine, û encamên 12 lêkolînan ku zêdetirî 235 hezar kesan li xwe digirtin analîz kirin, ligel şeş lêkolînên din di çarçoveya nirxandineke vegotinî de.
Encamên analîzê nîşan da ku di navbera zêdebûna cudahîya demên xew û şiyarbûnê di rojên dibistanê û betlaneyan de ligel bilindbûna astên fikarê li cem sinêleyan, pêwendîyek heye, û destnîşan kir ku têkçûna şêwazê xewê dibe ku yek ji wan faktorên têkildarî tenduristîya derûnî di vê qonaxa temenî de be.
