Şam – SANA
Wezareta Karûbarên Civakî û Kar, îro bi hevbeşîya bi Danîmarka, Fînlanda, Norwêc û Desteya Neteweyên Yekbûyî ya Jinan (UN Women) re, Yekemîn Foruma Niştimanî ya Geşepêdana Ajandaya Jin, Ewlehî û Aştîyê di bin dirûşma “Jinên Sûrîyê ber bi Aştîyê ve” li xwaringeha Beyt El-Eqad li Şamê organîze kir.
Wezîra Karûbarên Civakî û Kar Hind Qebewat di gotareke xwe de tekezî li ser bihêzkirina rola jinê li Sûrîyê kir wekî hevbeşeke rastîn di hemû alî û movikên jîyana giştî de ji bo avakirina paşerojeke ewle, di man û berdewamîya hevgirtina civaka Sûrîyê de.
Ji alîyê xwe ve, Wezîrê Pêwendî û Teknolojîya Zanyarîyan Ebdulselam Heykel bal kişand ser wê yekê ku ew kêlîyên mezin ên ku gelê Sûrîyê dijî, bi taybetî bi qurbanîyên jina Sûrî hatine bidestxistin.
Çalakîyên Yekemîn Foruma Niştimanî ya Geşepêdana Ajandaya Jin, Ewlehî û Aştîyê di du rojan de hatin lidarxistin; a yekem li parêzgeha Îdlibê di nehê vê mehê de bû û ya duyem jî îro li Şamê bi rê ve çû.
