Waşington-SANA
Şirketa «Facebook» (Meta) ragihand ku wê amûra «Creator Studio» ji nû ve saz kiriye û veguherandiye sepaneke serbixwe ku bi alîkarîya teknolojîya hişê çêkirî dixebite, bi armanca ku alîkarîya afirînerên naverokê bike da ku karên xwe pêş bixin û hejmara şopînerên xwe zêde bikin.
Sepan niha di qonaxa ceribandinê de ye û ji alîyê komeke destnîşankirî a afirîneran ve tê bikaranîn. Ev sepan bi hebûna alîkarekî xwe yê zîrek cîyawaz e, ku pêşnîyarên taybet pêşkêş dike û bersiva pirsên derbarê performansa rûpelê, mîna demên herî guncaw ji bo weşandinê û tiştên bala şopîneran dikişinin, dide.
Her wiha sepan amûrên nûjen ji bo birêvebirina şiroveyan û pêşnîyarkirina bersivên guncaw li xwe digire, ligel tabloyeke karên rojane ji bo birêkûpêkkirina pêşîneyan û şopandina armancan.
Meta bi vê gavê hewl dide ku hebûna xwe di warê hişê çêkirî de xurtir bike, piştgirîya afirînerên naverokê bike di dema pêşbazîya ku roj bi roj zêde dibe.
