New Delhi – SANA
Lêkolînên zanistî yên nû nîşaneyên nû eşkere kirin ku îhtîmala hebûna qeşaya avî ya veşartî li jêr rûyê Heyvê li navçeyên gelek sar ên cemsera başûr heye. Ev yek dibe ku di piştgirîya planên vedîtina fezayê û şandeyên mirovî yên paşerojê ber bi Heyvê ve bibe alîkar.
Rojnameya “Indian Express” roja Pêncşemê ji Rêxistina Lêkolînên Fezayê ya Hindistanê (ISRO) û Laboratuwara Lêkolînên Fîzîkî veguhest, ku zanyaran daneyên “Chandrayaan-2” şopandine ku îhtîmala hebûna qeşaya avî di nav çar çalan de li cemsera başûr a Heyvê, bi germahîya 25 Kelvin (248 pileyên Selsîyus di bin sifirê de) nîşan didin.
Lêkolîneke ku di meha Gulana borî de di kovara “npj Space Exploration” de hat weşandin, nîşaneyên hebûna qeşaya avî ya pêşbînîkirî dîyar kir. Ev yek dê alîkarîya ajansên fezayê di hilbijartina cihên daketinê û peywirên paşerojê de li navçeya cemsera başûr a Heyvê bike.
