Dakar-SANA
Projeyeke çandinîyê li Senegalê ku xwe dispêre teknîkeke avê ya kevneşopî ya bi navê “Bendavên Heyvî” bû sedema zindîkirina xakên beyar li herêma Perava Afrîkayê. Di encamê de rûbera keskayî fireh bû û ewlehîya xwarinê bi awayeke berbiçav baş bû.
Ev teknîk li ser bingeha kolandina xendekên di şêweyê nîv-heyvî de ye ku ber bi rêyên baranê ve têne arastekirin. Her wiha bendaveke axê ya nizm tê avakirin da ku pêşîya herikîna bilez û xerabûna axê bigire, ev yek jî rê dide ku ava baranê di nava axê de kom bibe.
Ev rêbaz dibe alîkar ji bo girtina herîyê û tov û materyalên organîk. Di heman demê de xêr û bereketa axê zêde dike û şîyana wê ya parastina şilîyê heta çend hefteyan xurttir dike, ku dibe sedema şînbûna gîha û berhemên çandinîyê li herêmên hişk.
Taybetmendîya vê rêbazê di hêsanî û erzanbûna wê de ye; mirov dikare bi destan di rojekê de ava bike, ku ev yek rê dide civakên herêmî ku wê bi hêsanî berfireh bikin.
Ev nimûne wekî modeleke kêm-mesref ji bo rûbirûbûna guherîna keşûhewayê, xurtkirina çandinîya domdar û kêmkirina koçberîyê, cihê guhdaneke mezin e.
