Berlîn-SANA
Lêkolîneke nû nîşan dide ku rêjeya germbûna cîhanî ji sala 2015an ve lezbûneke bêmînak dîtiye, piştî ku şîrovekirina daneyên pileyên germê yên cîhanî dîyar kir ku rêjeya bilindbûna germahîya erdê di deh salên borî de ya herî lez e ji destpêka tomarên keşûhewayê yên nûjen ve, her çiqas ku bandora dîyardeyên xwezayî, her wekî wekî dîyardeya “El Nino”, teqînên volkanî û xulên rojê jî jê bên hilanîn.
Malpera “ScienceDaily” ya zanistî duh Şemîyê ragihand ku lêkolîna ku ji alîyê lêkolînerên Enstîtuya Potsdamê ya Almanyayê ji bo Lêkolînên Bandora Keşûhewayê (PIK) ve hatiye kirin û di kovara “Geophysical Research Letters” de hatiye weşandin, xwe dispêre şîrovekirina pênc ji danegehên herî girîng ên pileyên germê yên cîhanî, di nav wan de daneyên Ajansa Fezayê ya Amerîkî (NASA) û Rêveberîya Niştimanî ya Amerîkî ya Okyanûs û Atmosferê (NOAA).
Encaman nîşan da ku navînîya bilindbûna germahîya erdê di deh salên borî de ji bo her dehsalekê gihîştiye nêzîkî 0.35% pile, li hemberî kêmtirî 0.2% pile ji bo her dehsalekê di navbera salên 1970 û 2015an de, ku asta bawerîya amarî ji sedî 98 derbas kiriye.
