Waşington-SANA
Kompanya Meta ya xwedîya platforma Facebookê, ragihand ku dest bi ceribandineke sînorkirî ya sîstemeke nû kiriye, ku weşandina lînkên derveyî ji bo bikarhênerên ku ne aboneyên xizmeta Meta Verified in, sînordar dike.
Rojnameya The Guardian a Brîtanî dîyar kir ku ev ceribandin niha tenê li ser beşeke taybet a rûpel û hesabên kesane yên ku Moda Profesyonel bi kar tînin tê kirin; ev sîstem bi taybetî ji bo çêkerên naverokê û bandorkeran hatiye amadekirin.
Meta hewl dide bi rêya abonetîya bi dirav û xizmetên mîna Meta Verified, çavkanîyên dahata xwe pirreng bike. Armanca vê pêngavê kêmkirina girêdana bi reklaman û zêdekirina dahatê ye, hevdem bi berfirehkirina veberhênanên teknolojîk ên ku lêçûna wan giran e.
