Waşington-SANA
Sepana WhatsApp Businessê dest bi belavkirina nûkirinekê kir ku xwe dispêre zimanê dîzaynê yê bi navê “Liquid Glass”ê. Ev pêngav ji bo hejmarek bikarhêneran hat avêtin bi armanca baştirkirina ezmûna bikaranînê û pêşkêşkirina rûyekî nûjentir û hêsantir.
Malpera WABetaInfo, ku taybet e bi şopandina nûkirinên sepanên nameguhastinê, dîyar kir ku kompanya Meta ya xwedîya WhatsApp Businessê, dest bi peydakirina dîzayna nû bi awayekî gav bi gav ji bo hin bikarhêneran kirîye, piştî ku di Cotmeha 2025an de li ser pergala iOS hatibû derxistin.
Sepana WhatsApp Businessê wekî guhertoyeke taybet ji bo xwedîyên karsazîyên biçûk û navîn tê hesibandin, ku rê dide wan bi kiryaran re têkilîyê deynin û peyaman bi awayekî profesyonel birêve bibin.
