London-SANA
Zanayên Brîtanî dermanekî nû ku heye ew nexweşên şekir ji jidestddana dîtinê biparêze, bipêş xistin.
Li gorî rojnameya The Independent a Brîtanî, lêkolîneke ku ji alîyê Zanîngeha Queen’s Belfast ve hatiye kirin û ji hêla Komeleya Şekir a Brîtanî ve hatiye fînansekirin, nîşan da ku dermanê nû zirara zû ya retînayê (tora çav) armanc digire berî ku çarekirina wê ji dest derkeve.
Profesor Curtis, ku yek ji beşdarên lêkolînê ye, got: “Nexweşîya şekir bi gelemperî bêyî nîşan dest pê dike, û zirara zû ya hucre û damarên xwînê çêdibe berî ku nexweş bi tu pirsgirêkên dîtinê bihese”
Michaela Ho, ji Komeleya Şekir a Brîtanî, piştrast kir ku ev derman dikare rê bide ku madeyên zirardar ji retînayê bêne rakirin û ji bo parastina çavên nexweşan zûtir ji ya niha gengaz be destwerdan bê kirin.
Nexweşîya retînayê ya şekir (diabetic retinopathy), dema ku bilindbûna şekirê xwînê zirarê dide damarên xwînê û hucreyên demarî yên di retînayê de, çêdibe, ku ev jî dikare bibe sedema pirsgirêkên dîtinê yên giran û heta korbûnê jî, ger bê derman were hiştin.
