Şam-SANA
Di 24 demjimêrên borî de li deverên cuda cuda yên Sûrîyê, di encama bûyerên trafîk û şewatê de, ku tîmên Parastina Sivîl yên ser bi Wezareta Rewşên Awartê û Birêvebirina Karesatan ve bersiva wan da, 18 kes birîndar bûn.
Îro Çarşemê, Parastina Sivîl bi rêya kanala xwe ya Telegramê, ragihand ku 14 bûyerên trafîkê çêbûne; di encamê de 13 kes birîndar bûne; tîmên wê bersiva wan da û çareserîyên seretayî pêşkêşî birîndaran kirin, paşê ew ji bo wergirtina dermankirinê veguhastin nexweşxaneyan, lê zîyanên din tenê madî bûn.
Parastina Sivîl dubare bang li ajokaran kir ku divê leza xwe kêm bikin, ji rewşa teknîkî ya otomobîlê û karê fren û paqijkerên caman piştrast bibin, û ji reftarên şaş ên ku baldarîya ajokar belawela dikin, wek bikaranîna telefonê, dûr bikevin.
Her wiha tîmên Parastina Sivîl, bersiva 48 şewatan da; mal, dikanên bazirganîyê, gîya, dar, sergo û kabloyên elektrîkê li xwe girtin. Cihên wan ji hêla tîman ve hatin ewlekirina.
Di encama wan şewtan de 5 kes birîndar bûn û çareserîyên seretayî ji wan re hatin pêşkêşkirin û zîyanên din tenê madî bûn.
