Şam-SANA
Wezareta Rewşên Awarte û Birêvebirina Karesatan, îro Yekşemê, bi hevkarîya ligel rêxistinên navneteweyî yên pispor û bi piştgirîya Yekîtîya Ewropayê, projeya “Xurtkirina Amadebaşîya ji bo Rewşên Awarte û Bersivdana Wan li Sûrîyê” da destpêkirin; mebest jê, pêşxistina pergala hişyarkirina pêşwext, bilindkirina asta amadebaşîya li hember karesatan û çespandina xebata pêşwext li ser asta niştimanî.
Ev proje dê 24 mehan bidome û armanc dike ku asta amadebaşîya sazîyên niştimanî, xwecihî û civakan ji bo rûbirûbûna pêşwext a metirsî û karesatan bilind bike, bi rengekî ku beşdarî parastina xelkê û çavkanîyên debara jîyanê bibe, her wiha zîyanan û pêdivîyên mirovî kêm bike.
Proje li hemû parêzgehan tê cîbicîkirin, lê li Heleb, Heseke, Idlib û Derayê, giranîyeke meydanî pê tê dayîn.
Proje rasterast zêdetirî 165 hezar sûdwergiran dike armanc; di nav wan de koçber, vegerîyayî û çînên herî zêde di bin metirsîyê de hene, ligel kadro û xwebexşên Wezareta Rewşên Awarte û Birêvebirina Karesatan û sazîyên niştimanî yên hevpar.
