Şam-SANA
Di encama çend bûyerên trafîkê de ku li Sûrîyê di 24 saetên borî de rû dabûn, kesekî jîyana xwe ji dest da û 24 kes birîndar bûn.
Tîmên Parastina Sivîl ên ser bi Wezareta Rewşên Awarte û Birêvebirina Karesatan ve jî ji alîyê xwe ve destwerdan kir.
Parastina Sivîl li ser kanala xwe ya Telegramê, îro Şemîyê, dîyar kir ku 16 bûyerên trafîkê çêbûn û ew bûyer bûne sedema mirina kesekî û birîndarbûna 24 kesên din.
Tîman, alîkarîyên bijîşkî yên seretayî pêşkêşî birîndaran kirin û piştre ji bo dermankirinê ew veguhastin nexweşxaneyan. Li kêleka wê jî şop û bermahîyên bûyeran ji ser rêyan rakirin û ewlehî li cihên bûyeran pêk anîn.
Destwerdana 56 şewatan
Her wiha tîmên Parastina Sivîl li tevahîya Sûrîyê destwerdana 56 şewatan kir ku di mal, dikanên bazirganî, gîya, dar, gilêş û têlên elektrîkê de çêbûbûn.
