Idlib – SANA
Îro Duşemê, karwanekî nû yê vegera xwebexş ku ji 201 malbatên koçber pêk tê, ji kampên koçberîyê yên li gundewarê Idlibê ber bi gund û bajarokên xwe yên resen ve li 9 parêzgehên Sûrîyê bi rê ket. Ev yek beşek ji hewldanên valakirina kampan û bidawîanîna dosyeya koçberîyê ye.
Ev karwan bi serpereştîya parêzgeha Idlibê û hevkarîya navbera Wezareta Rewşên Awarte û Birêvebirina Karesatan, Rêveberîya Karûbarên Civakî û Kar li parêzgehê, Komîserîya Bilind a Neteweyên Yekbûyî bo Karûbarên Penaberan (UNHCR), rêxistina “Muzun” û Heyva Sor a Erebî ya Sûrî, bi rê ve diçe.
Dabînkirina xizmetguzarîyan û derfetên kar
Rêveberê Daîreya Bakur a Karûbarên Civakî û Kar li Idlibê, Mihemed Bakîr ji bo “SANA”yê, dîyar kir ku ev karwan bi rêya pêkanîna rapirsînekê li nav malbatên li kampan, û birêvebirina kombûna wan û kontrolkirina lîsteyên navan, hate organîzekirin. Her wiha bal kişand ser wê yekê ku rêveberî rewşa kesên vegeryayî li herêmên wan dişopîne da ku xizmetguzarîyên pêkan ji wan re dabîn bike û navên wan ji komîserîyê re bişîne ji bo derfetên kar ji wan re werin peydakirin.
