Şam – SANA
Îro Çarşemê, Encumena Gel ragihand ku rûniştina guhdarîkirina li Wezîrê Enerjîyê Mihemed El-Beşîr, ku biryar bû sibe Pêncşemê pêk bihata, li ser daxwaza Wezareta Enerjîyê ji bo temamkirina dosyeyên xwe, bo Yekşema bê ku dikeve 20ê vê Îlonê, hat paşxistin.
Wezareta Enerjîyê di daxuyanîyekê de ji bo SANAyê da zanîn ku rûniştina dîyarkirî ya sibe Pêncşemê, bi taybetî ji bo gotûbêjkirina dosyeya bihayê berhemên petrolê hatibû veqetandin.
Lê belê piştî daxwaza berfirehkirina çarçoveya mijaran da ku tevahîya beşên wezaretê li xwe bigire, di nav wan de petrol, elektrîk, av û çavkanîyên avê ligel derxistina madenan, wezaretê xwest ku civîn bo roja Yekşema bê were paşxistin, da ku dema pêwîst hebe bo temamkirina amadekarîyên hemû dosyeyên ku biryar e guftûgo li ser wan were kirin.
Armanca vê rûniştinê ew e ku endamên Encumena Gel guh bidin ronîkirin û şiroveyên Wezareta Enerjîyê yên derbarê sedemên zêdebûn û bilindbûna bihayên berhemên petrolê, her wiha rewş û egerên ku hevdemî derxistina bultena nû ya bihayên sotemenîyê rû dabûn.
