Şam-SANA
Wezîrê Ragihandinê Xalid Ze’rûr dupat kir ku biryara hilweşandina HSDê û tevlîkirina hêzên wê di nav sazîyên leşkerî û sivîl ên dewleta Sûrîyê de, serkeftineke mezin a hevgirtina ax û gel e.
Ze’rûr destnîşan kir ku ev biryar piştrast dike ku cihê hemû Sûrîyan di Sûrîyê de heye.
Ji alîyê xwe ve, Wezîrê Xwendina Bilind û Lêkolînên Zanistî Merwan El-Helebî da zanîn ku biryara hilweşandina HSDê û bidawîkirina hemû pêkhate û rêveberîyên girêdayî wê, ligel yekkirina hêzên wê di nav sazîyên dewletê yên leşkerî û sivîl de, pêngaveke niştimanî ya girîng e.
El-Helebî anî ziman ku ev pêngav li ser rêya temamkirina yekîtîya ax û gelê Sûrîyê û xurtkirina serwerîya dewletê û sazîyên wê li seranserî erdnîgarîya Sûrîyê hatiye avêtin; her wiha rûpeleke nû ya bi sernavê aramî, yekkirina hewldanan û avakirina paşerojê vedike.
Her wiha Wezîrê Çandê Mihemed Yasîn Salih ragihand ku biryara hilweşandina HSDê û hemû pêkhate û rêveberîyên girêdayî wê, pêngaveke nû ye ku li serkeftinên dewleta Sûrîyê di şerê yekkirina ax û gel de tê zêdekirin.
