Şam-SANA
Desteya Niştimanî ya Dadwerîya Veguhêz ragihand ku darizandina tawanbar Ebdilnasir Beraqî heta 3yê Tebaxa bê hat paşxistin, da ku rêkarên daxwazkirin, dozgerî û parastinê werin temamkirin.
Ev doz girêdayî tawanbarkirina wî ye bi sîxurîkirin û nivîsandina raporan li dijî hejmarek welatîyan, ku bû sedema girtin, windakirin û nepenîbûna çarenivîsa hinekan ji wan heta îro, li gorî dosyaya dozê.
Îro Duşemê, Desteyê di daxuyanîyekê de bi rêya kanala xwe ya Telegramê dîyar kir ku Dadgeha Cezayan a Çaremîn a taybet bi dadwerîya veguhêz, îro rûniştineke nû ya darizandina gumanbar Beraqî pêk anî.
Di rûniştinê de, desteya parastinê daxwaza gazîkirina şahidên parastinê kir, lê piştî gazîkirinê derket holê ku şahid amade nebûne.
Li ser vê yekê, parêzera gumanbar daxwaz kir ku şahid neyên hesibandin û dadgehê jî daxwaz pejirand. Lewma darizandin heta 3yê Tebaxa 2026an ji bo daxwazkirin, dozgerî û parastinê hat paşxistin.
Wezareta Dadê û Desteya Niştimanî ya Dadwerîya Veguhêz di çarçoveya rêça lêpirsîna dadwerî de karên xwe berdewam dikin, da ku were misogerkirin ku tawanbarên ku di dema rejîma berê de binpêkirin kirine, ji cezakirinê nefilitin.
