Şam – SANA
Wezîrê Ragihandinê Dr. Hamza El-Mustafa piştrast kir ku destpêkirina Ajansa Nûçeyan a Erebî ya Sûrî (SANA) bi rengê xwe yê nû wê wekî pêşengekê be di medyaya fermî de û sazîyan ber bi gotareke nûjen û pîşeyî ve dibe ku bi gel ve girêdayî ye.
Di merasîma destpêkirina nû de, El-Mustafa got: “Em îro kom bûne da ku destpêkirina SANAyê ragihînin, piştî ku navê wê berê bi propaganda û sextekarîyê ve girêdayî bû, û wekî din jî, da ku em rola wê ya xwezayî wekî platformeke pisporane û neteweyî dîsa lê vegerînin ku nûçeyan bi durustî û berpirsyarî ragihîne, û wekî neynikekê ji bo civakê û çavkanîyeke pêbawer a agahîyan be, çi li ser asta herêmî çi jî ya cîhanî.”
Wekî din jî, Wezîrê Ragihandinê destnîşan kir ku îro hewcedarîya çavkanîyeke fermî ya pêbawer û zelal bûye şertekî pêşîn ji bo vegerandina bawerîya nêrîna giştî. Her weha wî rave jî kir ku SANA dê ji weşandina çend gotarekê ber bi weşandina 100 û 120 gotaran ve diçe û di heman demê de guh dide kalîteya naverokê û pêş dixe.
Li alîyê din jî, wî lê zêde kir ku “SANA êdî ne tenê berhevokeke nivîsan e, lê belê ew bi rêya toreke berfireh a peyamnêran di hundir û derveyî Sûrîyeyê de veguherîye xizmeteke nûçeyan a têkûz. Armanca wê jî ew e ku nûçeyên pêbawer berî yên bilez, bi mitmane û zelalî peyda bike û amûrên nûjen ên ku nivîs, wêne, weşana dîjîtal û têkilîya rasterast a bi dîtina giştî re heye, dane xebitandin.
Her weha di dawîya axaftina xwe de, Wezîr spasîya Serok Ehmed El-Şara’ kir ji bo bawerîya wî, û spasîya karmendên SANAyê jî kir yên ku bêwestan ji bo misogerkirina serkeftina vê destpêkirinê xebitîn. Wekî din jî, Wî tekez kir ku ajans dê di qada ragihadina Sûrî de guhertineke cîyawaz pêk bîne û dê pabendî drûşma xwe ya “Nûçe bi Hûrahî û Berpirsyarîtî”, be, da ku çavkanîyeke fermî ya agahîyên dirust be.
