Şam – SANA
Rexda Zêdan, seroka komîteya lêkolînê derbarê çarenivîsa kur û keçên girtîyan, eşkere kir ku 314 zarokên winda yên ku di serdema rejîma rûxandî de li navendên xwedîkirinê yên ser bi wezareta karûbarên civakî ve hatibûn bicihkirin, hatine belgekirin. Zêdan piştrast kir ku 194 ji wan vegerîyane cem malbatên xwe, di heman demê de hewldan ji bo dîtina yên din berdewam dikin.
Piştî rizgarkirinê, bi beşdarîya wezaret û rêxistinên sivîl komîteyek hat damezrandin ji bo arşîvkirin û analîzkirina dosyayên navendên xwedîkirinê. Rexda Zêdan dîyar kir ku 3800 zarokên winda wekî din jî hatine belgekirin, û niha giranî li ser rewşên di navbera salên 2012-2015an de tê dayîn.
Zêdan sedema zehmetîya gihîştina bi agahîyan vegerand ji bo nebûna çavdêrîyê, rêvebirina xirab û têkbirina daneyan di serdema rejîma rûxandî de. Ev yek bû sedema guhertina rêveberîya navendên xwedîkirinê, ligel berdewamîya nûkirina daneyan û lêpirsîna qanûnî ya kesên ku destê wan tê de heye bi rêya dozên malbatan.
