Şam-SANA
Wezîrê Enerjîyê yê Sûrîyê Mihemed El-Beşîr, ferman da rêveberîyên xizmetguzarîyên enerjîyê li parêzgehan ku çavdêrîya li ser berhemên neftê tund bikin û nimûneyan ji benzînxaneyan bikişînin. Ev yek jî piştî gilîyên girêdayî taybetmendîyên benzîna ku li hin benzînxanyan tê firotin pêk hat.
El-Beşîr îro Şemîyê di parvekirinekê de li ser hesabê xwe yê platforma “X”ê got: Ferman hatiye dayîn ku bi biryardarî li hember her binpêkirineke têkildarî kalîteya berhemên neftê tev bagerin, û her kesê ku were piştrastkirin ku destê wî tê de heye -çi di jêderê de be, çi di dema veguhastin, embarkirin an dabeşkirinê de be- lêpirsîn ligelê tê kirin, ligel tekezkirina li ser wê yekê ku ev rêkar dê “bêyî tu îstîsnayekê” tên sepandin.
El-Beşîr her weha lê zêde kir û got: “Her kes bê îstîsna, dikeve ber lêpirsînê, û her binpêkirinek li gorî qanûnê rûbirûyî rêkarên tund dibe.” Her wisa destnîşan kir ku parastina bikarhêner û misogerkirina kalîteya berhemên neftê di xebata wezaretê de karên herî li pêş in.
Li dawîyê jî, Wezîrê Enerjîyê piştrast kir ku rêveberîyên xizmetguzarîyên enerjîyê dê kampanyên çavdêrîyê û kêşana nimûneyan zêde bikin ji bo piştrastkirina lihevhatina benzînê bi pîvanên pejirandî re, û girtina rêkarên qanûnî li dijî her alîyekî ku pêkanîna binpêkirinan ji alîyê wî ve were selmandin.
