Hesekê/15/7/2026/SANA
Rêveberê Giştî yê Sazîya Giştî ya Sîgorte û Xanenişînîyê Meşhûr Mihemed El-Zu’bî, ligel du endamên komîteya ku ji alîyê Tîma Serokatîyê ya ji bo yekkirina sazî û sendîkayan ve hatiye erkdarkirin, Ednan Derwîş û Îmad El-Hisên, li parêzgeha Hesekê, jinûveçalakkirina şaxê sazîyê li parêzgehê û şopandina temamkirina rêkarên yekkirinê, di çarçoveya plana jinûveçalakkirina sazîyên hikûmî de gotûbêj kirin.
Ev yek di çarçoveya pêngavên cîbicîkirina Rêkeftina 29ê Kanûna Paşîn de û wekî temamkirina rêkarên yekkirina sazîyan tê.
Rêveberîya Ragihandinê ya Hesekê îro Çarşemê li ser kanala xwe ya Telegramê dîyar kir ku Zu’bî û her du endamên komîteya erkdarkirî ya Tîma Serokatîyê, ji nêzîk ve li rewşa avahîya şaxê sazîyê ya li Hesekê nihêrî, wek amadekarîyekê ji bo destpêkirina karên nûjenkirin û çakkirinê.
Ev yek jî di çarçoveya plana jinûveçalakkirina sazîyên hikûmî û amadekirina baregehên wan de tê ji bo jinûvedestpêkirina pêşkêşkirina xizmetguzarîyan ji bo welatîyan bi awayê herî baş.
Rêveberîyê bal kişand ser wê yekê ku biryar e serdaneke mîna wê bo avahîya şaxê sazîyê ya li bajarê Qamişloyê yê gundewarê Hesekê were kirin, ji bo naskirina pêdivîyên wê yên teknîkî û avahîsazîyê, wek amadekarîyekê ji bo destpêkirina karên nûjenkirin û çakkirinê di çarçoveya heman planê de.
Rêveberê înformasyonê di sazîyê de endezyar Mihemed Xerate û serokê Daîreya Budceya Giştî Ehmed Feyad beşdarî civîn û serdanê bûn.
