Reqa-SANA
Koşka Dadê li parêzgeha Reqayê, bi hevkarîya ligel Şaxê Têkoşîna Dijî Madeyên Hișbir, nêzîkî 200 kîlogram madeyên hişbir ên hatine desteserkirin, li gorî rêkarên qanûnî yên pejirandî ji nav birin, piştî desteserkirina wan di dema operasyonên ewlehî û serdegirtinan de ku di heyama borî de hatibûn pêkanîn.
Rêveberîya Ragihandinê ya Reqayê bi rêya kanala xwe ya Telegramê îro Sêşemê dîyar kir ku ew madeyên ku hatine jinavbirin tibabên madeya heşîşê, hebên keptagonê, kaptîkol, dermanên ku ji bo îdmanê tên bikaranîn, ligel toza kokayînê û hejmarek alavên bikaranîna madeyan li xwe digire.
Proseya jinavbirinê di bin çavdêrîya alîyên dadwerî yên peywendîdar de bi rê ve çû, piştî temamkirina rêkarên qanûnî yên taybet bi madeyên desteserkirî, û bi awayekî ku rêgirtina li dubare belavkirin yan bikaranîna wan were misogerkirin.
