Parêzgeh-SANA
Îro Şemîyê, ezmûna nivîskî ji bo berbijêrên karên Sazîya Giştî ya Posteyê hat encamdan. Ev ezmûn ji alîyê Wezareta Geşepêdana Îdarî ve bi hevahengîya Wezareta Peywendî û Teknolojîyê hatibû ragihandin, bi armanca dabînkirina kadroyên mirovî yên pêwîst ji bo sazîyê li parêzgehên cuda.
Rêveberê Rêveberîya Posteya Derayê Xalid El-Rifaî di daxuyanîyekê de ji SANAyê re dîyar kir ku valahîyên kar beşên hesabdarîya darayî, rêveberî û endezyarîyê li xwe digirin. Her wiha da zanîn ku hejmara kesên serî li vê pêşbirkê dane li seranserî Sûrîyê gihîştiye nêzî 5600 berbijêran.
El-Rifaî amaje pê kir ku ezmûn di heman demê de li parêzgehên cuda hat encamdan, da ku rêgeza wekhevîya fersendan di navbera hemû serlêderan de pêk bê û astên herî bilind ên şefafîyetê di pêvajoya damezrandinê de werin parastin.
