Hims-SANA
Di qezayeke trafîkê de ku sibeha îro Yekşemê li ser rêya Hims-Şamê qewimî, sê kesan (mêrek, jinek û keçikekê) jîyana xwe ji dest da û sê kesên din jî birîndar bûn. Bûyer ji ber lihevketina kamyoneke barhilgir ku rêzikên trafîkê binpê kiribû ligel du otomobîlan pêk hat.
Parastina Sivîl di kanala xwe ya Telegramê de dîyar kir ku tîmên wê li Rêveberîya Rewşên Awarte û Birêvebirina Karesatan li Himsê bi lez çûne cihê bûyerê. Tîman termê mêrê mirî derxist û birîndarekî din jî rakirin Nexweşxaneya Zanîngehê li Himsê.
Her wiha tîmên Parastina Sivîl agirê ku di kamyona barhilgir de derketibû vemirandin, ligel dabînkirina ewlehîya cihê bûyerê.
