Şam – SANA
Bi hatina Cejna Qurbanê re, çermên mihan, wekî yek ji hîmên aborî û pîşesazî li Sûrîyê, careke din dîyar dibin.
Xwedîkerê mihan Mihemed El-Terûdî, tekez kir ku sûdwergirtina ji çerm paş ketiye ji ber bilindbûna lêçûnên amadekirinê û kêmbûna xwestinê, ku ev yek hinek qesaban neçar dike ku wan bavêjin; wî her weha amaje kir ku îmkan heye veberhênan di vî çermî de bibe, di rêya hinardekirinê re, wekî madeyeke xav a hêvîbexş.
Ji alîyê xwe ve, pîşekar Silêman Tabo, dîyar kir ku amadekirina çerm di qonaxên paqijkirin, xwêkirin û ziwakirinê re derbas dibe, da ku ev çerm di çêkirina kelûpelên raxistinê yên xanîyên erebî û mobîlyayên mal û mizgeftan de werin bikaranîn. Bal kişand jî li ser parastina vê pîşeya mîrasî li herêmên wekî Me’eret El-Numanê.
Her weha bazirgan Mahir Nefûs, dîyar kir ku tevgera kirînê di rojên cejnê de geş dibe, ji ber ku çerm di pîşesazîya xalîçe û çenteyan de bi kar tê, tevî astengîyên ku rûbirûyî pîşeya deboxîyê dibin ku yek jê rikberîya derve ye.
