Şam-SANA
Îro Sêşemê, Dadgeha Cezayê ya Çaremîn li Koşka Dadê ya Şamê, rûniştineke nû ji bo darizandina Atif Necîb, yek ji sembolên herî navdar ên rejîma berê, pêk anî. Necîb bi encamdana sûcên li dijî gelê Sûrîyê tê tawanbarkirin. Di rûniştinê de nûnerên rêxistinên navneteweyî û yên mafên mirovan amade bûn.
Nûçegihanê SANAyê ragihand ku rûniştin bi temamî girtî ye û bêyî amadebûna dezgehên ragihandinê tê lidarxistin; ji ber ku rûniştin parêzname, pirs, belge, navên şahidên parastî û agahîyên nehênî li xwe digire.
Tawanbar Necîb rûbirûyî gelek tometan dibe ku girêdayî berpirsyariyên wî yên serkirdayetiyê yên rasterast û hevbeş in, di kiryarên ku wekî “sîstematîk” hatine binavkirin û sivîlên li parêzgeha Derayê kirine armanc. Ev kiryarên wekî kuştin, îşkence û girtina keyfî, di wê dema ku ew serokê şaxa Ewlehîya Sîyasî li parêzgehê bû, hatine encamdan.
