Şam-SANA
Di encama qezayên trafîkê û şewatan de, di 24 saetên borî de li parêzgehên cuda cuda yên Sûrîyê, 5 kesan jîyana xwe ji dest da û 22 kesên din jî birîndar bûn, ku tîmên berevanîyê yên Wezareta Rewşên Awarte û Rêveberîya Karesatan destwerdana di wan de kirin.
Berevanîya Sivîl di daxuyanîyekê de îro Duşemê dîyar kir ku 18 qezayên trafîkê çêbûne, di encamê de 5 kesan jîyana xwe ji dest daye û 21 sivîl jî birîndar bûne. Her wiha da zanîn ku tîmên wan alîkarîya seretayî ji birîndaran re kirine û piştre ew rakirine nexweşxaneyan ji bo dermankirinê, û cenaze jî radestî bijîşkîya dadê kirine da ku li gorî rênimayan radestî malbatên wan bikin.
Her wiha tîmên Berevanîya Sivîl destwerdan di 22 şewatan li seranserî Sûrîyê de kirin. Di encama van şewatan de, li gundewarê Idlibê kesek birîndar bû, alîkarîya seretayî jê re hat kirin û piştre rakirin nexweşxaneya Atmeyê, lê zirarên şewatên din tenê madî bûn.
