Şam-SANA
Rêveberê Îdareya Têkoşîna li dijî Madeyên Hişbir li Wezareta Hundir Emîd Xalid Îd, serokatîya civîneke ewlekarîyê ya berfireh kir ku tê de serokên şax, beş û rêveberên nivîsgehên navendî amade bûn. Ev civîn di çarçoveya stratejîya domdar a ji bo têkoşîna li dijî madeyên hişbir û xurtkirina ewlehîyê de pêk hat.
Li gorî daxuyanîya Wezareta Hundir ku îro Çarşemê li ser kanala xwe ya Telegramê weşandiye, di civînê de karîgerîya xebatên têkoşîna li dijî madeyên hişbir hat nirxandin û encamên xebatên meydanî hatin vekolîn.
Her wiha di civînê de tekezî li ser pêwîstîya xurtkirina mekanîzmayên çavdêrî û şopandinê, û zêdekirina operasyonên taybet ên bi armanca hilweşandina torên sûcdar û rakirina kokên jêderên belavbûna madeyên hişbir hat kirin.
