Şam-SANA
Desteya Operasyonan a Artêşa Sûrîyê tekez kir ku komikên PKKê yên terorîst gotegotên derewîn û metirsîdar di nav xelkê me yê Kurdên Sûrîyê de belav dikin û hewl didin wan ji artêşê bitirsînin.
Desteya Operasyonan di daxuyanîyekê de ji bo SANAyê îro Pêncşemê eşkere kir ku mîlîs hewl didin bi rêya vîdyoyên parçekirî, sexte û derewîn ku ji rastîyê pir dûr in, xelkê bitirsînin.
Desteyê got: “Em xelkê xwe yê Kurd dilrehet dikin ku em hewl didin wan biparêzin. Kurd beşekî resen ji pêkhateyên gelê Sûrî ne û em bi hemû hêza xwe dixebitin ku aramîyê vegerînin hemû deveran.”
Di dawîyê de jî desteyê got: “Em ji xelkê xwe yê Kurd re dibêjin ku hemû erdnîgarîya Sûrîyê welatê we ye, hûn dikarin di her demê de ji deverên alozdar ber bi her devereke ku hûn bixwazin ve biçin. Pirsgirêka me her dem bi komikên PKKê yên terorîst re bûye û hîn jî heye, çiku ew hewl didin fitneyê bixin navbera xelkê me yê Kurd û artêşa wan de; ji ber ku ew rojên xwe yên dawî di xewnên xwe yên berfirehbûn û wêrankirinê de li herêmê dijîn.”
