Şam-SANA
Wezîrê Rêveberîya Xwecihî û Jîngehê Mihemed Enceranî, ragihand ku dewleta Sûrîyê hemû belgeyên tapoyê li parêzgeha Reqayê wergirtine, û ew bi awayekî tam û ewle bêyî ti windabûn yan xerabkirinê têne parastin.
Enceranî îro Duşemê li ser platforma (X)ê dîyar kir ku Rêveberê Berjewendîyên Tapoyê bi fermî dest bi karê xwe li Reqayê kiriye, bi pabendbûna tam bi parastina belgeyên milkan û misogerkirina selametîya wan.
Wezareta Rêveberîya Xwecihî û Jîngehê di civînekê de di meha Mijdara borî de, mekanîzmaya arşîvkirina belgeyan di navendên tapoyê de nîqaş kiribû; wek amadekarîyekê ji bo dîjîtalkirina tam a tomara milkan û destnîşankirina mekanîzmayeke pêbawer a arşîvkirinê bi rêya komîteyeke navendî ku karê rêveberîyên tapoyê li hemû parêzgehan li xwe digire.
