Şam-SANA
Dezgeha Giştî ya Berhemanîna Televizyon û Radyoyê li Sûrîyê destpêkirina pêşbirkeke bi navê “Camika Azadîyê” ragihand, ji bo xweşiktirîn klîpa ji şerê Têkbirina Êrîşberîyê, bi armanca rêzgirtina li kêlîyên mirovî û lehengî yên ku bi camikên kamerayan hatine belgekirin di dema şerê rizgarkirina welêt û hilweşandina rejîma berê de.
Dezgehê ji beşdaran xwest ku wêneyê nasnameya xwe û hejmareke pêwendîyê bi klîbê re bişînin û da zanîn ku wergirtina beşdarîyan heta 15ê Mijdara bê, berdewam dike.
Dezgehê pîvanên klîpan destnîşan kirin ku ew jî ev in:
- Divê klîp berê nehatibe weşandin.
- Divê deng paqij be.
- Divê klîp di dema şerê Bersivdana Êrîşberîyê de hatibe kişandin.
Dezgehê dîyar kir ku nirxê diravî yê xelatên pêşbirkê wiha tê dabeşkirin:
- Pileya yekem: 300 dolar
- Pileya duyem: 200 dolar
- Pileya sêyem: 100 dolar
Her wisa destnîşan kir ku klîp dikarin li avahîya Dezgeha Giştî ya Berhemanîna Televizyon û Radyoyê bêne pêşkêşkirin an jî bi emailê ji getar.tvp@gmail.com re yan jî bi rêya Telegramê ji hejmara 00963943343355 re bêne şandin.
