Şam-SANA
Komîteya Bilind a Hilbijartinên Encumena Gel, encamên fermî yên hilbijartinên xula 2025 û rêjeya beşdarîyê di pêvajoya hilbijartinan de ragihandin.
Berdevkê Komîteyê, Newar Necme, di kongreyeke rojnamevanî de got ku: “Ev encam yên dawî ne û nayên guhertin û tekez kir ku ev hilbijartinên li 49 bazinên hilbijartinan pêk hatin, pir pak bûn.”
Her weha dîyar kir ku ew beşê ku yek ji sê beşan e, yê ku Serokê Komarê destnîşan bike, tu têkilîya wî bi desteyên hilbijartinan tuneye, û amaje bi yekê jî kir ku ew derengîya di jimartina dengan de li Şamê çêbû, erênî bû.
Wekî din jî, tekez kir ku parlementer nûnerê tevaya Sûrîyan e, û pêvajoya hilbijartinan pir pak û zelal bû û perleman cihê fermî ye ku divê danûstandina niştimanî tê de çêbibe. Her weha got ku 4% ji kursîyan, ji kêmendaman û birîndarên Şoreşa Sûrîyê re hatine dayîn.
Li alîyê din jî, bal kişand ser kêmbûna nûnertîya jinan û pêkhateya Xirîstyan û neheqîya li hin deveran bûye ji encama zehmetîya zanîna nifûsa wan. Ji bilî wê, tekez kir ku divê di nûnertîyê de hejmara nifûsê li ber çav were girtin.
Di dawîya daxuyanîyê de, got ku Serok Ehmed El-Şeri’ di dema destnîşankirina sêyeka mayî de, ew ê serrastkirina tevaya kêmasîyan li ber çav bigire. Her weha serokê komîteyê Mihemed Taha El-Ehmed, got ku 119 nav di rêya sindoqên dengdanê re bûn perlemanter û tekezî li ser hewcedarîya perlemantoya Sûrîyê bi kesên sazker heye.
