Şam-SANA
Hat ragihandin ew ê di nav 24 seatên dawî de navê wan dezgehên hilbijartinê ên endamtiya Meclîsa Gel dê bên eşkerekirin.
Derbarê mijarê de ji teref , Newar Necmayê Berdevkê Komîteya Bilind a Hilbijartinên Meclîsa Gel a Sûriyeyê ve daxuyanîyek hat belavkirin. Necma di daxuyanîya xwe de ragihand ku navên dawî yên endamên desteya hilbijartinê dê di nav kêmtirî 24 seatên de werin weşandin, piştî wê jî dema îtîrazê dê ji bo rojekê vekirî be.
Necmayê Berdevkê Komîteya Bilind a Hilbijartinên Meclîsa Gel a Sûriyeyê di daxuyaniyeke xwe ya ku ji bo SANAyê da de rave kir ku namzedên ji bo Meclîsa Gel dê roja Înê û Şemiyê ji nav endamên desteya hilbijartinê vebin ku ev yek destpêka kampanyayên hilbijartinê yên namzedan e. Her wiha dê rêziknameyek ji bo namzedên di hilbijartinên Meclîsa Gel de were weşandin.
Necma di berdewama daxuyanîya xwe de destnîşan kir ku îtîrazên li dijî navnîşên destpêkê yên endamên koleja hilbijartinê hatine qebûlkirin, tevî yên ku îspat kirine ku piştgirî dane rejîma berê an jî şert û mercên ku ji hêla pergala hilbijartinê ya demkî ve ji bo endamtiya koleja hilbijartinê hatine derxistin binpê kirine.
Li gorî agahîyên ku hatine wergirtin Komîteya Bilind a Hilbijartinên Meclîsa Gel roja dengdanê li navçeyên hilbijartinê yên li seranserê parêzgehên Sûriyeyê diyar kir. Li gorî daxuyanîyê ew ê di 5ê Cotmehê sala 2025an de roja yekşemê ango di 13ê Rebîulewwela sala 1447an de karibin deng bên dayîn.
