Şam-SANA
Berdevkê Wezareta Karên Hundir, Nûredîn El-Baba, da xuyakirin ku piştî lêpirsîna kuştina doktorekî li taxa El-Cemîlîyê ya Helebê, eşkere bû ku sedema wê nakokîyeke malbatî ya li ser mîratê bû.
Wekî din jî, El-Baba li ser kanala Telegramê rave kir ku li dûv rapora ku gihiştî ber destê me ku Dr. Basil Zêno li ber klînîka xwe ya li taxa El-Cemîlîye hatiye kuştin, Fermandarîya Ewlekarîya Navxweyî ya li Parêzgeha Helebê, bi rêya Şaxê Lêpirsîna Tawanbarîyê, tavilê dest bi lêpirsînê kir.
Li alîyê din jî, El-Baba destnîşan kir ku piştî lêgerîn, lêkolîn û berhevkirina delîlan, hat naskirin ku kujer xizmekî qurbanîyê ye, û tiştê ew ber bi vê tawanê ve ajotî, nakokîyeke malbatî ya li ser mîratê bûye.
Her weha Fermandarîya Ewlekarîya Navxweyî ya li Parêzgeha Helebê piştrast kir ku ew ê giranîyê bidin şopandina dozê da ku hemî tedbîrên qanûnî li dijî her kesê beşdar bistînin, ev yek jî ji bo misogerkirina edaletê û parastina aramî û ewlehîya giştî.
Hêjayî gotinê ye ku xebata Wezareta Karên Hundir ji bo peydakirina aramîyê û dûvçûn û lêpirsînê her berdewam e, û her û her piştrast kiriye ku ez dezgeheke niştîmanî ya xizmeta hemî xelkê ye.
