Enqere – SANA
Wezîrê Derve yê Almanyayê Johann Wadephul, îro Sêşemê ragihand ku serokên welatên Hevbendîya Bakurê Atlantîkê “NATO” bi biryar in ku piştgirîyeke darayî û leşkerî bi nirxê 140 milyar Euroyî bidin Ukraynayê, ku her du salên niha û bê li xwe digire.
Ajansa nûçeyan a Tirkîyê Anadolu ji zarê Wadephul di hevpeyvîneke radyoyî de, berî lidarxistina lûtkeya 36emîn a serokên dewlet û hikûmetên “NATO”yê li paytexta Tirkîyê Enqereyê, ragihand: “Em dikarin soz bidin ku em di sala 2026an de û sala bê de 140 milyar Euroyî bidin Ukraynayê, ew jî tenê bi rêya beşdarîyên Ewropayê û Kanadayê, û ev yek dê bibe nîşaneke pir xurt a piştgirîyê ji bo Ukraynayê.”
Wadephul piştrast kir ku bandora piştgirîya leşkerî û darayî ya Rojava li ser erdê bûye tiştekî berbiçav û zelal, û tekezî li ser pêwîstîya zêdekirina fişara navneteweyî bi awayekî mezintir kir da ku Moskowê neçarî vegera li ser maseya danûstandinan bike.
Tirkîye îro Sêşemê û sibê Çarşemê mêvandarîya lûtkeya 36emîn a NATOyê dike, û lûtke di bin sîya wan astengîyên ku rûbirûyê hevbendîyê û binesazîya ewlehîya cîhanî dibin, giringîyeke mezin distîne.
