Waşîngton-SANA
Wezîrê Xezîneyê yê Amerîkayê Scott Bessent, tekez kir ku malûmilkên Îranê yên blokkirî, dê li gorî peymana demkî ya ku ji alîyê Serok Donald Trump ve hatiye girêdan, bikevin bin çavdêrîya Wezareta Xezîneyê. Her weha dîyar kir ku rêjeyeke pir mezin ji van samanan dê li Qeterê û di bin çavdêrîya berpirsên Amerîkî yên li wir werin xerckirin, da ku di kirîna xwarin, derman û berhemên çandinîyê de ji Amerîkayê ji bo berjewendîya gelê Îranê, werin veberhênan.
Bessent qebareya samanan an jî mekanîzmayên cîbicîkirinê ji bo misogerkirina veneguhastina wan destnîşan nekir, di dema ku pirsên qanûnî derbarê xwezaya vê desteserkirinê tên kirin.
Ev daxuyanî ji bo hewldana kontrolkirina malûmilkên blokkirî ku ji alîyê sîyasî ve hestîyar e tên, di demekê de ku Qesra Spî rûbirûyî rexneyên parlamenterên Komarî di Kongresê de dibe, yên ditirsin ku avantajin bo Îranê bêne dayîn û cezayên pêşwext bên sivikkirin, bêyî ku pirsên ewlehîyê yên bingehîn werin çareserkirin.
