Paytextên Cîhanê – SANA
Fransa, Almanya û Brîtanya, îro Şemîyê di daxuyanîyeke hevbeş de, êrîşên mûşekî yên Îranê yên li ser pênc welatên Kendavê û Urdunê şermezar kirin. Wan tekez kir ku ew her metirsîyeke li ser ewlehî û aramîya herêmê red dikin.
Ajansa France-Presse li ser zarê serokên van welatan; Macron, Merz û Starmer, ragihand ku piştî şêwirîna sêalî, wan êrîşên Îranê yên li ser welatên herêmê bi tundî şermezar kirine.
Serokê Fransayê Macron berê bang li Civata Ewlekarîyê ya Neteweyên Yekbûyî kiribû ku civîneke awarte pêk bîne ji bo gotubêjkirina alozîya navbera Amerîka, Îsraîl û Îranê. Wî hişyarî dabû li ser metirsîya berdewamîya vê alozîyê û daxwaza sekinandina wê ya yekser kiribû.
Ev şermezarkirina berfireh a navdewletî piştî wê yekê tê ku Îranê bi mûşekan êrîşî Siûdîye, Îmarat, Behreyn, Qeter, Kuweyt û Urdunê kir. Ev êrîşa Îranê wekî bersivekê bû li ser êrîşa hevbeş a Amerîka û Îsraîlê li ser wê.
