Waşington – SANA
Amerîka ragihand ku ew xwe amade dike ji bo ji nû ve dest bi ceribandina çekên nuklerî yên “hêza teqîna wan kêm e” bike. Ev yek di pratîkê de dawî li biryara sekinandina van ceribandinan tîne, ya ku Amerîka bi dehên salan pê pabend bû.
Ajansa France Press ji ser zarê Alîkarê Wezîrê Derve yê Amerîkayê yê Karûbarên Kontrolkirina Çekan û Belavnebûna Wan, Christopher Yao, ragihand ku wî îro Sêşemê gotiye: Serok Donald Trump di gotina xwe de cidî bû dema ku di Cotmeha borî de ragihand ku Amerîka dê ceribandinên nuklerî li ser bingeha “wekhevîyê” dest pê bike. Yao amaje kir ku pîvana wekhevîyê li vir têkildarî Çîn û Rûsyayê ye.
Berpirsê Amerîkî dîyar kir ku biryara dema ceribandineke bi vî rengî di destê Serok Trump de ye, lê bal kişand ser wê yekê ku ev dê li ser bingeheke hevseng be.
Hêjayî bibîrxistinê ye ku peymana “New START” a ku di sala 2010an de hatibû îmzekirin, wekî peymana dawî ya navdewletî ji bo sînordarkirina çekên nuklerî yên stratejîk di navbera Rûsya û Amerîkayê de, di pêncê vê mehê de bi dawî bû. Her wiha, Waşingtonê ceribandina xwe ya herî dawî ya teqandina bombeya nuklerî di sala 1992an de pêk anîbû.
