Quds-SANA
Hat ragihandin di êrîşên ku ji teref rejîma dagirker Îsraîlê ve li çend deverên Xezzeyê hatin kirin de 52 Filistînî şehîd bûn.
Li gorî agahîyên ku hatine wergirtin di encama rêze êrîşên esmanî yên ku ji aliyê hêzên dagirker ên Îsraîlê ve li ser çend tax û avahiyên niştecihbûnê yên li deverên cuda yên Xezzeyê hatin kirin de 52 Filistînî şehîd bûn û gelek kes jî birîndar bûn. Bi van êrîşên dawî êş û elema gelê Xezzeyê zêdetir bû.
Ji teref medyaya Filistînî ve hat ragihandin, di êrîşên asmanî de herêma El-Sîdra li taxa El-Derec a rojhilatê bajarê Xezzeyê û avahiyek niştecihbûnê ya li taxa El-Sebra ya başûrê bajêr hatin hedef girtin.Hat hînbûn di encama êrîşê de gelek kes şehîd û birîndar bûn.
Derbarê mijarê de ji teref Wezareta Tenduristiyê ya Filistînê ve hat ragihandin ku nexweşxaneyên li Xezeyê di 24 saetên borî de 75 Filistînî û 304 birîndar wergirtine. Li gorî beyanata Wezaretê bi van şehîdên dawî ji 7ê Cotmeha 2023yan vir ve hejmara şehîdan gihîştiye 65 hezar 283yan û hejmara birîndaran j bûye 166 hezar û 575.
Li Xezzeyê dorpêç berdewam dike û rewşa însanî her ku diçe xerabtir dibe ku ji ber vê yekê di warê kêmbûna xwarin û amûrên tibbî de ji teref sazîyên navneteweyî ve bang tên kirin da ku ji gelê Xezzeyê re alîkarî bê kirin. Rejîma dagirker a îsraîl di nav vê rewşê de dîsa qetlîamên xwe didomîne.
